Локацијата на објектот е во населба 11 Октомври - бараки, на улица Лазар Димитров. Парцелата од едната страна е на улица, додека од другата страна излегува на голема парковска површина и терени за рекреација (кошарка, ракомет, мал футбал, рекреативна патека, справи за вежбање, тенис). Во моментов се изведува улица и од оваа страна, каде ќе има дополнителен слободен простор за паркирање.

Проектот предвидува изградба на двокуќа, поделена по вертикала, од типот на градските куќи во низа, совршен за урбано домување, независно достапен од двете страни. Тема на продажба е една станбена единица ( десна според визуелизацијата)

Опфаќа вкупно внатрешна површина од 177м2, кровна тераса од 63м2, двор со паркинг место од 66 м2. Објектот се развива на три нивоа (подрум -сутерен, високо приземје и кат). Проектот овозможува реорганизација на внатрешноста според желбите на купувачот, со што бројот на собите може да се зголеми или пак во подрумскиот дел да се организира одделно простор за одложување, теретана или винарија.

Проектот има дозвола за градба со важност до март 2026 година, со извршено предмерување и е целосно спремен без никакви пречки за отпочнување со градба.

Зависно од договорената динамика на исплата и меѓусебен договор, проектот би се реализирал 2025- 2026 година, по принципот клуч на рака.